Наполи беше елиминиран од Барселона во осминафиналето од Лигата на шампионите (вкупен резултат 4:2), но се чини дека тоа не влијаеше премногу на расположението на тренерот Џенаро Гатузо.
Шефот на тимот од Неапол одговори на бројни прашања на новинарите по натпреварот на „Камп Ноу“, а едно од нив се осврна на новиот тренер на Јувентус – Андре Пирло.
Новинарите беа заинтересирани за тоа што мисли Гатузо, а првите зборови беа „тој е с*ебан“
„Но, тоа е работата. Тој е среќен што започна во Јувентус, но оваа професија е таква што одлична играчка кариера не е доволна. Мора да учите, да работите напорно, нема многу спиење. Да се биде играч и тренер се две сосема различни работи. Не можеме само да учиме од книги, мора да бидеме таму и да работиме напорно. Ова се два различни света“, рече тренерот на Наполи.