Димитар Апасиев од Левица во неговиот втор говор се осврна на статистиката на владиниот состав, каде се ставени луѓе со гола амбиција и накитена просечност.
– Имаме најмногу економисти, дури осум, етнички имаме 112 македонци и албанци. се чудам зошто нема Турци или Роби или Срби или Власи. Има 16 мажи и 4 жени, во поглед на сексуалната определеност не би навлегувал. – рече Апасиев.
Тој го нарече Никола Димитров „министер за ЕУ-фундаментализам“, а Венко Филипче „министер за задгробен живот“, кој, како што рече, „му беше советник на познатиот „министер за смрт’“.
Заевизмот го нарековме највисок стадиум на груевизмот, истакна Апасиев и го цитираше античкиот филозоф Ксенофонт.
-Тогаш беше заробена држава, а сега е хибриден режим според Ксенофон, преку четири елементи кои ние ги имаме. Имаме доминација на приватните и бизнис интереси, значи концентрација на богатство и моќ, второ имаме арбитрарнст и страховлада, третата одлика е напната и нездрава заверничка атмосфера, и последната одлика е некадарна администрација составена од чинвници и подлизурковци кои ќе доведат до здивена корупција. образложи Апасиев.
– Шарената револуција не беше предавничка, туку беше предадена – заврши Апасиев.