Загрижувачки бројки во Франција: Скоро 14.000 новозаразени, 63 лица починаа

Франција денес објави скоро 14.000 нови случаи на коронавирус, што е близу до минатонеделното рекордно дневно салдо. Од ефектите на Ковид-19 починаа 63 лица.

Во последните 24 часа се регистрирани 13.970 новозаразени лица, што е зголемување во споредба со вчера, кога ги имаше 12.845, но под рекордните 16.096, пренесува „Ројтерс“.

Вкупниот број на заразени во Франција на тој начин се искачи на 577.505.

Од последниот пресек, 63 лица починаа, а вкупниот број на смртни случаи сега е 32.019.