Белорусија ги затвори своите граници со Летонија, Литванија, Полска и Украина во четвртокот, како причина ја наведе „епидемиолошката состојба“.
– Ние мора да ги затвориме границите – рече претседателот Александар Лукашенко. Тој претходно ја опиша пандемијата како „психоза“. Според официјалните податоци, во земјата биле заразени 96.529 лица, а 973 починале.
Од петок, патувањето ќе биде ограничено, а границите ќе останат отворени само за дипломати и сообраќај со камиони, соопшти државната гранична агенција.
Се шпекулираше дека границите се затворени од политички причини, бидејќи односите на Белорусија со четирите земји се влошија поради протестите против владеењето на Лукашенко.
Ниту една од четирите земји не ја признава победата на Лукашенко на изборите во август, за разлика од Русија. Руско-белоруската граница остана отворена.