„Songbird“ е името на претстојниот филм кој ќе се занимава со пандемијата на коронавирусот. Ќе го продуцира неповторливиот Мајкл Беј, авторот на филмовите „Bad Boys“, „Armageddon“, „Transformers“.
„Songbird“ ќе го истражува моментот на светската катастрофа и ќе предвиди живот во карантин што ќе трае следните неколку години – поточно до 2024 година, кога ќе се одвива филмот. Дали ќе и го направи ова на Америка во следните четири години?
Трејлерот прикажува мрачна слика за блиската иднина. Звучи како дистописка временска машина за која никој не сака да размислува во моментот, пишува „Futurism“.
Содржина: Бројот на загинати достигна 110 милиони лица, предизвикани од мутиран ковид со висока стапка на смртност. И да, ова е остварување што филмската индустрија сака да го гледате.
Она што нема да изненади никого е дека има љубовна приказна во центарот на заплетот.
– Како Ромео и Јулија, само нив ги дели влезната врата и вирусот – изјави за „EW“ еден од режисерите, Адам Мејсон (другиот е Сајмон Бојс).
Според соопштението, главниот јунак на приказната е работник кој стекнал редок имунитет, кого го игра тинејџерскиот срцекршач Кеј Џеј Апа од „Riverdale“.
Продукцијата започна на 8 јули оваа година во Лос Анџелес, а се снимаше за само 17 дена.
Се поставува важно прашање: За кого е направен овој филм?