Францускиот авантурист и каскадер Винсент Рефет, познат по акробатиката што ја изведуваше додека леташе со „џетпак“ и карбонски крилја, почина во вторникот за време на тренинг во Дубаи.
Рефет беше вработен во „Jetman Dubai“, а славата ја стекна со летање со џетпак (ранец за летање) над Дубаи и Алпите.
36-годишникот почина во вторникот за време на тренинг во Дубаи, но деталите сè уште не се познати. Полицијата го истражува овој трагичен настан.
Рефет беше дете на скокач со падобран, а во текот на својата кариера изведуваше бројни акробации, вклучително и скокање од Бурџ Калифа, највисоката зграда во светот. Неговата акробација секогаш се емитуваше виртуелно на социјалните мрежи.
Со неговиот колега Фред Фуген, со кого изведуваше акробација во тандем познат како Soul Flyers, во септември тој прелета преку рамна површина со брзина од 270 км / ч во крилест костум и се искачи на 80 метри во воздухот со постигнатата брзина. Тогаш Фуген и Рефет ги активираа падобраните и безбедно слетаа на земјата.
Вежбајќи, тие еднаш изведоа 50 скока на францускиот скијачки центар Ла Клузаз, прво на скијачка патека со 15-метарски столбови како обележувачи, а потоа и на блискиот терен за голф скокајќи од хеликоптер откако го усовршија аголот на летот.
Тогаш тие сакаа да го сторат истото на брегот, овој пат во близина на светилникот Кубре во Ла Тремлада, Франција, скокајќи од хеликоптер еден до друг пред да се издигнат во воздухот благодарение на иновациите во летачките одела.
„Во огромна тага, ја пријавуваме смртта на Џетмен пилотот, Винсент Винс Рефет, кој почина утрово, 17 ноември, додека тренираше во Дубаи“, објави портпаролот на „Jetman Dubai“, Абдула Бинбахтор.
„Винс беше талентиран спортист и почитуван член на нашиот тим. Ние ги упатуваме нашите мисли и молитви до членовите на неговото семејство и до сите оние кои го знаеја и соработуваа со него“.