Цел живот сум опкружен со хомосексуалци. Слушав тешки приказни за нивното воспитување, понижувањата кои ги претрпеле, насилството, отфрлањето од семејството. Јас сум исклучително емотивна личност и сето тоа ми паѓа тешко. Сфатив дека морам да направам нешто. Апсолутно е неверојатно што сè уште немаме закон за истополово партнерство, мислам дека е крајно време да се случи тоа и ЛГБТ лицата да имаат право да формираат заедница пред законот со оние што ги сакаат“, вели поп-ѕвездата Наташа Беквалац во интервју за новиот број на списанието „Оптимист“.
Наташа Беквалац, која беше прогласена за геј икона во 2019 година, која пред само неколку месеци ја поддржа иницијативата за донесување закон за истополово партнерство, но која на почетокот на годината ѝ посвети еден дел од нејзиниот голем концерт во Арената на ЛГБТ популацијата, даде интервју за магазинот во кое таа зборуваше зошто ја поддржува ЛГБТ заедницата.
Како што рече, во времето кога се одржа првата Парада на гордоста во Србија, таа го гледала интервјуто на познатата актерка Мирјана Карановиќ, која истакнала дека за слободата мора и треба да се бориме, а тоа ја мотивирало, баш исто како Карановиќ, да биде гласот на здравиот разум и прогресивни промени.
„Деновиве гледав интервју со Мирјана Карановиќ дадено во тие години кога беа откажани парадите на гордоста и беа забранети, во кое таа рече дека немаме повеќе време, дека нашите животи ќе поминат ако чекаме сите да бидат еднакви и дека треба да се бориме за тоа. Јас целосно се согласувам со неа… Имам пријатели во долги врски, а тие се целосно невидливи пред законот. Сакам нашата генерација да биде последната што ќе живее во свет во кој не се сите исти“, рече Беквалац.