Бас гитаристот на рок групата Рибља чорба, Миша Алексиќ, почина на 68-годишна возраст од последиците од коронавирусот, откако на 13 ноември беше хоспитализиран во КБЦ „Бежанијска коса“.
Имено, Миша бил заразен со коронавирус, а од 13 ноември бил на лекување. Неодамна неговата состојба се влошила, па завршил на респиратор.
Неговата ќерка Мина Алексиќ неодамна објави емотивен статус на социјалната мрежа Фејсбук.
„Мојот Миша се разболе од ковид и е на апарати за дишење 3 дена. Секој час е негова борба за живот како и моја и на мама за него. Миша би сакал сите наши драги луѓе да знаат кој е лав и борец. Тој би сакал сите луѓе што го сакаат и го почитуваат како мајстор на рокот овие денови да бидат со нас и да веруваат дека ќе го победиме Ковид. Сите мислевме дека е шега и до пред две недели седев со моето семејство на ручек и се смеевме дека не сакаме да носиме маски и разговаравме каде да одиме на забава или ручек. Сега сум оставена со двајцата родители во болницата. Исплашена, да, но и јас храбро верувам во среќа и добра енергија. Ве молам да ја испратите најсилната енергија во универзумот поради Миша и тој да биде на сцената со гитара што побрзо!“, напиша Мина Алексиќ покрај заедничката фотографија со нејзиниот татко.