Комисијата на Обединетите нации гласаше за повлекување на марихуаната од листата на хероинот и слични опасни наркотици, а со тоа му дадоа легитимност на неговите лековити својства, што дава поттик за милиони пациенти низ светот и е чекор напред на науката над политиката. Ова се смета за очекувана и долго одложена одлука што може да го отвори патот за проширување на истражувањето и употребата на медицинска марихуана.
Гласањето на Комисијата за наркотични дроги, чие седиште е во Виена и вклучува 53 земји-членки, разгледа низа препораки од Светската здравствена организација за преквалификација на канабисот и неговите деривати. Но, вниманието беше насочено кон клучната препорака за отстранување на канабисот од Класата IV на Единствената конвенција – „класата за забрана“ од 1961 година – каде што беше наведен заедно со опасни и многу зависни опиоиди како хероин.
Експертите велат дека гласањето нема да има непосредно влијание врз олабавувањето на меѓународните контроли затоа што владите сепак ќе имаат надлежност за тоа како да го класифицираат канабисот. Но, многу земји бараат насоки кон глобалните конвенции, а признавањето на Обединетите нации е симболична победа за поборниците за промена на политиката за дроги, кои велат дека меѓународното право е застарено.