Каде е следната дестинација на Погба?
Фрнацускиот фудбалер, Пол Погба е предводен од агентот Мино Раиола во својата кариера. Имено, Раиола, пред неколку дена изјави дека Пол ќе си замине од Манчестер Јунајтед по завршувањето на оваа сезона, а потоа истакна дека најдобро за Французинот е кам бек во Јувентус.
Информациите говорат дека љубовта меѓу Погба и премиерлигашот е завршена, а и Јунајтед би бил расположен налето да го продаде Погба, за да не го загуби бесплатно во 2022 година кога му истекува договорот. Наводно Манчестер би го ослободил Погба за 55 милиони евра.
Во меѓувреме, Погба како да даде индиција каде би ја продолжил кариерата. Тој на социјалната мрежа Инстаграм, повторно почна да го следи Јувентус, клубот од кој се пресели во Англија. Интерес за Погба има и од Реал Мадрид, поточно од тренерот Зинедин Зидан. Ако Зидан не го премисли сонародникот, изгледа Погба повторно ќе го облече црно-белиот дрес на најтрофејниот италијански клуб.