Швајцарија ги замрзна банкарските сметки на белорускиот лидер: Лукашенко и неговиот син добија забрана за влез во земјата

Швајцарија ги замрзна банкарските сметки на претседателот на Белорусија, Александар Лукашенко, по насилството што следеше по неговиот реизбор.

Лукашенко и неговиот син Виктор се меѓу 15-те лица забранети за влез или патување низ Швајцарија, соопшти владата.

Во соопштението се вели дека тие лица се одговорни за насилството и произволно апсење.

– Швајцарија е длабоко загрижена за моменталните тензии и е посветена на дијалогот меѓу Владата и граѓанскиот сектор – објави Владата.

Владата побара ослободување на лицата кои беа произволно приведени, како и истрага за наводите за тортура и лошо постапување за кои се одговорни припадници на безбедносните сили.