Фасцинацијата кај луѓето со насилство и злосторства трае веќе подолго време. Кои се причините за тоа може да се дискутира, но она што е сигурно е зголемениот број на документарци кои се инспирирани од злосторствата што навистина се случиле.
„Заведена“:
Внука на кнегињата Јелисавета Карагорчевиќ, Индија Оксенберг била член на озогласениот култ Нексеум (NXIVM), каде што ја третирале како роб и била жигосана и принудувана на сексуални односи. Водачот на овој култ, Кит Раниер, неодамна беше осуден на 120 години затвор. Индија ја раскажа својата страна на приказната за страшниот секс култ во документарниот филм „Заведена“, кој покрај нејзината приказна, ги следи и приказните за другите жртви на Кит Раниер.
Таа веројатно била најпознатата припадничка на култот, благодарение на славата на нејзината мајка Катарина Оксенберг, но и на нејзините неуморните обиди да ја спаси од канџите на култот. Зад решетките сега се асистентите на Раниер, вклучувајќи ја и богатата наследничка Клер Бронфам и холивудската актерка Алисон Мек.
Преживеана:
Кети Клајнер била брутално нападната од Тед Банди кога имала само 20 години. Тој ја претепал со стап во кревет во сестринската куќа Чи Омега на Државниот универзитет во Флорида во 1978 година.
Пред да влезе во нејзината соба, Тед Банди убил две нејзини врснички. За среќа, Кети преживеала, но се здобила со сериозни повреди на лицето и скршеница на вилицата. Убиецот на крајот беше осуден на смрт, а списокот на неговите жртви е долг.
Во февруари минатата година беше објавено дека Нетфликс платил милиони за да ги обезбеди правата на САД на новиот филм во кој глуми срцекршачот Зак Ефрон во главната улога како Банди.
Соопштението беше придружено со трејлер што предизвика големо незадоволство на Интернет.
Убиецот одвнатре:
Арон Ернандез беше познат спортист чија кариера беше во подем. Неговиот живот заврши на само 27 години со самоубиство во затвор, каде издржувал доживотна казна затвор за убиството на неговиот пријател Один Лојд.
Како ѕвездата на американскиот фудбал стана осуден убиец се обидува да објасни документарната серија на Нетфликс наречена „Убиецот одвнатре“.