Министерката за надворешни работи Екатерина Захариева во интервјуто за „Ди Велт“ на констатцијата дека постојат набудувачи кои имаат впечаток дека бугарската влада го разгорува конфликтот додека растат нејзините внатрешни политички проблеми и на прашањето дали го разгоруваат спорот за да го одвлечат вниманието од антивладините протести, таа вели дека тоа не е точно, и Декларацијата за Северна Македонија која се донесе во парламентот, датира од октомври минатата година.
– Нема никаква врска со протестите. Протести има насекаде, но поддршката за владата по ова прашање е 83,5 проценти. Не постои омраза на Бугарите кон Република Северна Македонија или кон нејзините граѓани, напротив. 50 проценти сметаат дека Бугарија треба да биде прва што ја поддржува Северна Македонија. Затоа што Бугарите се чувствуваат блиски со Македонците. Но, во исто време 83,5 проценти сметаат дека треба да има опипливи резултати во спроведувањето на Договорот за добрососедство, пред да кажеме „да“ за пристапните преговори. Значи нема никаква врска со протестите, вели Захариева.
Таа вели дека истото може да се каже и за другата страна, но тоа е политички чувствително.
– Последните два месеци главно слушаме што тие нема да направат. Неколку пати предложив да се фокусираме на работите што сакате да ги прават, а не на работите што не сакаат да ги прифатат. Не правете премногу врева, не давајте интервју десет пати на ден во сите медиуми. Ајде да се обидеме да ги смириме емоциите. Никој не ги оспорува вашите права, но мора да биде јасно дека не сакаме ништо ново. Земјите признаваат земји, а не јазици. Да се фокусираме на рамката за преговори и, ако сакате, да работиме на билатерален протокол за надополнување на договорот. Се надевам дека кога ќе се смират емоциите од обете страни, ќе имаме поконструктивни дискусии, додаде Захариева за „Ди Велт“.