Лана Дел Реј е верена: Го запознала своето момче преку апликација за состаноци

Светски познатата пејачка Лана Дел Реј и пејачот Клејтон Џонсон се верија, пренесува „Дејли меил“.

Пејачката дополнително ги подгреа гласините за веридбата со нејзината посета кај Џими Фалон, каде што прстенот што го носеше на нејзината рака привлече внимание.

Кога станува збор за овој пар, интересна е приказната за нивното запознавање. Имено, Лана Дел Реј и Клејтон Џонсон се запознале преку апликација за состаноци, по што започнале да се следат на Инстаграм во август годинава, а останатото е историја.

Лана започна врска со Клејтон помалку од една година откако раскина со полицаецот Шон Ларкин.

Инаку, Клејтон и неговите двајца браќа беа дел од бендот The Johnsons, каде што тој пееше и свиреше гитара.