Со цел да се добие очекуваната почит и нормална кохабитација, почитувајте ги уставните надлежности и обидете се да комуницирате малку повоспитано, му порача претседателот на Црна Гора, Мило Ѓукановиќ на премиерот Здравко Кривокапиќ.
„Не сте поканети да судите дали сум го прекршил Уставот“, истакна Ѓукановиќ.
Црногорскиот претседател додаде дека реакцијата на премиерот Здравко Кривокапиќ е „популистичка, политичка и под кое било ниво“.
Претходно денес, Кривокапиќ, коментирајќи ја одлуката на Ѓукановиќ да ги врати сите закони донесени од Собранието на седницата на 29 декември на повторно одлучување, меѓу другото изјави дека „на Ѓукановиќ му е гајле за државата ако не е нејзин сопственик“.
„Но, тоа е негов проблем. Тој и водачите на мнозинството кои зборуваа едногласно очекуваа да бидам соучесник во нивните незаконски активности и понатамошно поткопување на системот и државните институции. Тие не се повикани да судат дали сум го прекршил Уставот. Тоа нека го проверат пред надлежната институција – Уставниот суд. Но, за нив, собранискиот деловник, исто така, се чини дека е неразбирливо четиво“, напиша Ѓукановиќ на Твитер.
Како што изјави, тој испрати и „добронамерен совет“.
„Не судете за она што не го знаете. И не ја бранете Црна Гора од мене. На крајот, за да добиете очекувана почит и нормална кохабитација, почитувајте ги уставните надлежности“, напиша Ѓукановиќ.