Судир на два авиона во Русија, загинаа три лица

Руското Министерство за вонредни ситуации потврди дека авион „Пајпер“ се урнал во Ленинградскиот регион, при полетување од аеродромот „Гостилици“, а според првите информации, тој се судрил со „Цесна“ која слетала, по што се забила во земјата.

Загинале двајца мажи и една жена, пренесува Тасс.

„Причината за несреќата може да биде грешка во пилотирањето и техничка неисправност“, додаваат службите за итни случаи.

Во три часот попладне, по локално време, беше објавено дека авион „Пајпер“ се урнал при полетувањето на аеродромот во Гостилици, објави прес-службата.