Министерството за здравство издаде одобрение до центарот „Гамалеја“ за спроведување клинички тестови на „light vaccine“ (лајт вакцина) против коронавирус.
„Целта на клиничкото тестирање: проценка на безбедноста, толеранција и имуногеност на лекот „Спутник лајт“ во спречување на инфекција предизвикана од Ковид-19. Почеток – 8 јануари 2021 година, крај – 31 декември 2021 година“, стои на веб-страницата на тамошното Министерството за здравство.
Наведено е дека 150 волонтери ќе учествуваат во истражувањето. Ова ќе се направи во три медицински установи: Првиот медицински универзитет „Сечин“, Научно истражувачки центар „Еко-безбедност“ и Научно истражувачки институт за грип „Смородинчева“.
„Спутник лајт“ е една компонента на вакцината „Спутник ве“ (Спутник V) и ќе штити од инфекција три до четири месеци.
Претходно, рускиот претседател Владимир Путин изјави дека Русија ја разгледува можноста за создавање на „лајт вакцина“ во центарот „Гамалеја“ со ефикасност од 85 проценти, што може да се искористи за вакцинирање на десетици милиони Руси одеднаш.