Очекувања за државна помош и во јануари, имаат од текстилниот кластер. Претседателката, Маријана Пековска, посочи дека тесктилниот сектор е неизвесен, особено за компаниите кои зависат од тоа да бидат брзо донесени одлуките за петтиот пакет економски мерки
„Очекувањата на компаниите беа дека по некој автоматизам поддршката ќе продолжи и во јануари. Не знам колку тоа временски ќе можат да го издржат компаниите? Навистина секојдневно во Кластерот се јавуваат компании, коишто најавуваат неможност да опстанат, потреба од затварање, а знаете дека секое производство многу лесно се затвара, а тешко се рестартира. Рестартирањето на текстилната индустрија скоро и да нема да може да e возможно. Така да секое пролонгирање на поддршката на компаниите има негативни реперкусии“, истакна претседателката, Перковска.
Исто така, вели и дека до Владата доставиле и свои предлози, а за дел од критериумите кои се дадени за добивање на државната помош не одат во прилог на текстилниот сектор.
„Таму беше назначено, како услов и 30 % од падот на приходите, но кај трудоинтензивните гранки 30 % пад, значи затварање на компаниите, помалку или повеќе. Затоа што оние кои работат лон производство, пад од 30 % е навистина катастрофално“, потенцираше Перковска.
Меѓудругото, таа смета дека во моментов, македонските текстилни, но и останатите трудоинтензивни гранки мора да преживеат, имајќи предвид дека во земјите во ЕУ, каде што извезуваат има затварање на молови, бутици и низа на заштитни мерки. Сметаат дека со имузниацијата на населението на пазарите, каде ги пласираат производите ќе се вратат во нормални текови,а очекувањата се до средината на 2021 година.