ФБИ во вторникот објави фотографија од лицето за кое постои сомневање дека е поврзано со убиството на американскиот полицаец Брајан Сикник во Капитол, напиша сенаторот Бил Касиди на Твитер.
Касиди, републиканец, објави фотографија од постар брадест човек со сина капа со натписи „ЦФД“, и ги повика сите што би можеле да го препознаат да се јават во ФБИ.
U.S. Capitol Police just shared this picture with me. This man is wanted for questioning in connection with the murder of fallen Capitol Police Officer Brian Sicknick.
If you recognize this man, please call FBI at 1-800-225-5324 or visit https://t.co/rl0XXPPml6 pic.twitter.com/i9BDi2wBK4
— U.S. Senator Bill Cassidy, M.D. (@SenBillCassidy) January 12, 2021
Претходно, ФБИ во Њујорк уапси друго лице за можна вмешаност во немирите минатата недела во Капитол.
Портпаролот на ФБИ изјави дека агентите го уапсиле Арон Мостофски, за кого медиумите тврдат дека е син на судијата на Врховниот суд во Њујорк, Шломе Мостофски.
„Ројтерс“ пишува дека засега не се знае со кое обвинение ќе се соочи Мостофски.
Досега 20 лица се обвинети пред Федералниот суд во Вашингтон за учество во немирите, а 40 од нив се обвинети во локалните повисоки судови.