Десетгодишно девојче во Италија, Антонела Сикомеро почина минатата недела поради играта „Blackout Challenge“. Слична несреќа се случила во понеделникот на деветгодишно момче во Тринидад, а се сомнева дека и момче (10) од Белград починало поради оваа опасна игра на „ТикТок“.
Антонела ја пронашла мртва нејзината четиригодишна сестра на подот од бањата во семејна куќа лоцирана во Палермо, Сицилија.
Во овој луд предизвик, корисниците на Тик-Тока се предизвикуваат едни со други да се задушат додека не ја изгубат свеста. Овој предизвик постои уште од порано и се појави под разни имиња како „Passout Challenge“, „Игра со гушење“ или „Speed Dreaming“, а неодамна времето стана доста популарно на „ТикТок“. Веднаш штом се појави, медицинските експерти предупредија дека ваквото лишување од воздух може да доведе до бесознание и оштетување на мозокот, како и до смртоносен исход.
– Антонела играла „Blackout Challenge“. Ќерка ми почина поради екстремната игра на Тик Ток. Како да го прифатам тоа?! – изјавил таткото на девојчето за тамошните медиуми.
По оваа смрт, италијанските власти наредија видео апликацијата ТикТок да ги блокира сите корисници на таа земја чија возраст не може да се потврди.