Данците ја совладаа Шпанија во второто полуфинале на СП во ракомет 35:33 (18:16) и така закажаа дуел со Швеѓаните.
Сепак, Европскиот првак, Шпанија успеа да се покаже во одлично издание кога беше потребно во завршницата на првиот дел. Петте гола негатива ги стопи до два и најави возбудливо продолжение на натпреварот. На полувреме Данска имаше 18:16 и овие два гола разлика беа најава дека ова ќе биде интересно полуфинале.
Избраниците на Џорџо Рибера имаа шанса за реми на 30 секунди пред крајот, но Маркано ја погоди само гредата, а Данците го решија прашањето за победник со гол во последните моменти.
Никлас Ландин беше под својот просек во првото полувреме, но во последните 10 минути собра клучни три одбрани, но играч на мечот беше Микел Хансен кој со 12 погодоци буквално го торпедираше голот на „фуријата“. Фантастичен беше и Јенсен во победничкиот тим со седум гола, додека кај Шпанците Душебаев имаше седум реализации, а Фигерас шест.