Во Конго потврден третиот случај на ебола оваа недела

Демократската Република Конго денес го потврди третиот случај на ебола оваа недела во провинцијата Северен Киву, изјави локалниот министер за здравство Јуџин Нзанзу Салита.

Случајот е откриен во градот Бутембо, во поранешното жариште кое се појави во јуни, објави „Ројтерс“.

Илјадници луѓе починаа од ебола во Конго во претходните години.

Инфекцијата се појави во 2018 година, а Светската здравствена организација објави во јуни 2020 година дека повеќе од 2.000 луѓе починале за две години, објави веб-страницата на американското национално радио.