Сопругата на Хоакин Гузман Лоер Ел Чапо, водачот на мексиканскиот наркокартел од Синалоа, е уапсена вечерва во Вирџинија, САД, под обвинение за трговија со дрога, соопшти Министерството за правда на САД.
Ема Коронел Аиспуро (31), која има американско и мексиканско државјанство, е уапсена на меѓународниот аеродром во Далас и треба да се појави пред федералниот суд во областа Колумбија во вторник, но сето тоа ќе се направи преку видео врска.
The writers of Netflix’s "Narcos" hearing that El Chapo’s wife got arrested for drug trafficking.
— NUFF (@nuffsaidny) February 22, 2021
Аиспуро е обвинета за вмешаност во дистрибуција на кокаин, метамфетамин, хероин и марихуана во САД, а наводно се здружила со уште неколку лица за да му помогне на Ел Чапо да избега од затворот Алтиплано во Мексико на 11 јули 2015 година.
Таа веќе беше уапсена во Мексико, во јануари 2016 година, под сомнение дека планира да помогне во уште едно бегство на нејзиниот сопруг, пред тој да биде испорачан во Америка во 2017 година.
Ел Чапо издржува затворска казна во САД, откако судот во источниот округ на Њујорк го осуди на доживотен затвор.