Милан Бандиќ, градоначалникот на Загреб, почина синоќа од срцев удар, по неколку години големи здравствени проблеми.
Сè започна во 2003 година кога претрпел силен мозочен удар. Лекарите тогаш се бореле за неговиот живот, но на крајот тој се опоравил релативно брзо.
На 1 мај 2017 година, тој правел операција на стомакот, откако, како што тврди, невнимателно го подигнал казанот со грав.
Истата година му бил вграден стент поради срцеви проблеми, а во јуни минатата година заврши во болница откако му се слошило.
Во декември 2018 година, тој заврши во болница поради белодробна емболија, што пак се случи како резултат на тромб по тројна фрактура на потколеницата. Бандиќ потоа завршил на одделот за интензивна нега.
Тој бил подложен на операција на гласните жици во август минатата година.
Милан Бандиќ почина синоќа на 66-годишна возраст.
На Бандиќ му се слошило доцна синоќа, по што брзата помош го пренела во болница, каде безуспешно се обиделеда го реанимираат. Веста за неговата смрт е потврдена од Градот Загреб, пренесува порталот Индекс.хр.
– Во длабока тага, ги информираме нашите сограѓани, соработници, пријатели, загрепската и хрватската јавност дека одеднаш, денес, на 28 февруари, на 66-годишна возраст, градоначалникот на градот Загреб, г-дин Милан Бандиќ, почина од срцев удар – се наведува во соопштението.