Ентони Фаучи, главен експерт за инфективни болести во САД, во неделата изјави дека ќе биде вакциниран со новоодобрена вакцина против Ковид-19, произведена од „Џонсон и Џонсон“ (Ј & Ј) и ги повика Американците да се вакцинираат со која било од трите одобрени вакцини.
„Сите три се навистина добри, и луѓето треба да ја земат онаа што им е најпристапна. Ако сте некаде и имате J&J, а тоа е вакцина што е моментално достапна, јас би ја земал“, рече Фаучи во емисијата „Meet the Press“ на „NBC“.
Владата на САД одобри вакцина со единечна доза против Ковид-19 од „Џонсон и Џонсон“ во саботата, со што вакцината стана трета достапна по Фајзер/Бајонтек и Модерна. Двете вакцини бараат две дози, пренесува Хина.
Испораките на вакцините Ј & Ј во центрите за вакцинација треба да започнат во недела или понеделник.
И Фајзер и Модерна вакцините покажуваат повисоки стапки на ефикасност во испитувањата со употреба на две дози за разлика од единечна доза на вакцини J&J. Сепак, директната споредба е тешка бидејќи испитувањата имаа различни цели, а вакцината J&J беше произведена додека веќе беа во оптек повеќе заразни видови на вирусот.
„Сега имате три многу ефикасни вакцини. Нема сомнение во тоа“, рече Фаучи.