Мicrosoft е една од најбогатите компании на планетата со пазарна капитализација од 1,7 трилиони долари. в е нивниот најпопуларен производ, но апликацијата Teams, конзолите Xbox, LinkedIn, Skype и пакетот MS Office се исто така многу успешни. Софтверскиот гигант планира да стане влијателен во новиот сегмент на пазарот што ќе ги стави во конкуренција на услуги како што се Squarespace и Wix.
Новиот проект на Мicrosoft се нарекува Digital Marketing Center и нуди онлајн платформа за креирање веб-страници со многу уникатни карактеристики. Претставниците на бизнисот можат бесплатно да ги синхронизираат податоците од тековната рекламна кампања или страница на Facebook и да ја започнат својата веб-страница од нула.
Градењето на оптимален дигитален идентитет ќе биде уште полесна задача со новата платформа на Мicrosoft, која не бара специјализирано техничко знаење. Компанијата ветува различни карактеристики за прилагодување на содржината и унифицирано решение за креирање и одржување на веб-страница.
Корисниците ќе можат да избираат од различни шаблони и теми за да ги обликуваат информациите на начинот на кој тие сакаат. Интеграцијата со дигиталната маркетинг платформа на Мicrosoft помага во креирање, управување и водење рекламни кампањи на социјалните мрежи и пребарува;ite. Ова е специфична функционалност на Центарот за дигитален маркетинг.
Кога компаниите ќе се пријават на сметка во Digital Marketing Center, од нив ќе биде побарано да обезбедат веб-страница за време на креирањето на рекламната кампања. Откако ќе ја изберете опцијата „I don’t have a website. Help me build one for free“, ќе можете да внесете претпочитана URL-адреса.
Потребна е регистрација пред да отидете во главното мени за содржина и персонализација на веб-страниците.