317
Армијата на Мјанмар покрена ново обвинение против соборената лидерка на таа земја Аунг Сан Су Чи, јавува Anadolu Agency (AA).
Армијата ја презеде власта во Мјанмар со неодамнешниот удар, а лидерката на таа земја Су Чи е во притвор под низа обвиненија.
Локалните медиуми јавуваат дека Су Чи уште еднаш се појавила пред воениот суд по последното обвинение, кое ја товари за давање изјави кои можат да предизвикаат страв во јавноста.
Доколку биде осудена, Су Чи по тоа обвинение може да биде осудена на казна затвор до две години.
Лидерката Су Чи е обвинета, меѓу другото, и за кршење на законот за извоз и увоз и поседување на нелегално увезена полициска опрема.