Коалицијата, Алтернатива и Алијанса на Албанците преку денешното свое соопштение, се осврнаа на министерот за надворешни работи, Бујар Османи и упатија факти кои тој како што велат, не ги употребува. Имено, тие велат дека тој и Владата постојано се обидуваат да ја затворат устата на албанската опозиција, со тоа што постојат иницијативи кои албанската партија на власт не помислила да ги покрене во изминатите 20 години.
„Го потсетуваме Бујар Османи дека Собранието во која била демократска држава е овластено да ја изразува волјата на народот, како и донесување на најдобрите закони за застапување на интересите на граѓаните.
Го потсетуваме и на етимологијата на зборот од глаголот „парлер“ што значи „местото каде што се зборува“, додека вашата Влада постојано се обидува да им ја затвори устата на албанската опозиција и да ја замолчи за значајни и хумани прашања, како што е тоа државјанството, што Вие како политички субјект никогаш не сте го подигнале како проблем во овие 20 години.
Политичките игри ги прави вашата Влада, која се обидува на секој начин да ги поткупи пратениците од опозицијата, затоа што веќе не е во можност да постои ова парламентарно мнозинство.
Ние сме ја докажале нашата конструктивност кога станува збор за закони за општото добро на граѓаните, но кога сте арогантни кон нашите легитимни и природни барања, тогаш мора да ве демаскираме од вашата политичка моќ, која се состои од мнозинство која не може да стои на свои нозе“, се вели во заедничкото соопштение на АА и Алтернатива.