Петковиќ: Во ГОБ „8. Септември“ нема повеќе слободни кревети, состојбата е алармантна

Во своето гостување во „24 анализа“, Д-р. Наташа Петковиќ од ГОБ „8. Септември“, посочи дека алармантна и страотна е сликата со ковид пациентите во болницата.

„Вчерашните бројки покажуваат дека неколку пациенти повеќе се примени во ГОБ 8. Септември, со оглед на тоа што имаме 105 кревети, а 120 хоспитализирани пациенти. Оттаму повеќе нема простор ниту за дополнителни кревети, и заклучно со вчерашниот ден сите капацитети се пополнети. Нашата болница се соочува 13 месеци со постојана работа како Ковид центар. Капацитетот на болницата е преоптоварен“, истакна Петковиќ.