Бугарите се први на Балканот според бројот на починати од коронавирус

Последните 2-3 недели имаме зголемување на случаите. Во последните неколку дена сме на врвот на третиот бран. Одиме до највисокиот дел на платото. Да, има притисок врз медицинските установи, но тој е поинаков, се забележува во градот Софија, Бургас, Шумен и Варна. Ова го изјави министерот за здравство Костадин Ангелов, јави репортерот на БГНЕС.

Бугарија е на 5-то место во Европа и на 2-ро на Балканот според бројот на заразени, рече доцент Ангел Кунчев.

„Ние сме 3-ти во ЕУ според смртноста по Унгарија и Чешка и први на Балканот. Софија и Силистра имаат најголем број заразени“, додаде Кунчев.

„Во моментот има многу повеќе хоспитализирани отколку во текот на вториот бран. Ова се должи на британскиот вид“, додаде тој.