Сексуалните работнички во бразилскиот град Бело Хоризонте штрајкуваат веќе една недела, барајќи да бидат вклучени во приоритетната група за вакцинација против коронавирус, бидејќи, како што велат, и тие се наоѓаат во „првите борбени редови“.
Затворањето на хотелите како дел од епидемиолошките мерки принуди илјадници проститутки клиентите да ги бараат и услужуваат на улиците.
Brazil Sex Workers Strike For First-line Covid Shots#FixedIt https://t.co/871otK6bpZ
— 💧AntiFa SewerRat Alistair P D Bain 🏴 (@AlistairPDBain) April 7, 2021
„Ние сме во првите борбени редови, ја поттикнуваме економијата и сме изложени на голем ризик“, изјави за „Франс прес“ Сика Виеира, претседателка на Здружението на проститутки на државата.
„Ние мора да се вакцинираме“, додаде таа.
Виеира и други жени протестираа на улицата полна со хотели каде што порано работеле, носејќи транспаренти на кои пишуваше „И сексуалните работнички се медицински професионалци“ и „Сексуалните работнички се приоритет“.
„Ние сме дел од приоритетна група бидејќи се среќаваме со различни типови на луѓе и ги ризикуваме нашите животи“, рече една од проститутките.