536
Редок феномен се случи викендов во битолското село Лажец каде се роди двоглаво теле. Младенчето засега е живо и се однесува нормално, согласно состојбата во која се наоѓа.
Телето, како што пренесува на Гласот на Америка, има споени черепи, два пара очи, две усти, две уши. Дише регуларно, цица млеко и полека се исправува на нозе.
Телето се родило во петокот вечерта, на 16 април, во одгледувалиштето на фармата „Натали 2005“, а на свет дошло живо со помош на ветеринарите од амбулантата „Филипов“ од селото Кравари.