Жителите на Њујорк ќе можат да се вакцинираат и во метро

Вакцинацијата против коронавирус ќе биде можна во метрото во Њујорк од среда, со само една доза на вакцината, произведена од компанијата Џонсон и Џонсон, изјавил гувернерот на оваа американска сојузна држава, Ендру Куомо.

Вакцинацијата ќе биде организирана во шест станици во метрото во Њујорк, како дел од пилот програмата. Вакцинираните лица ќе имаат бесплатно возење – еднонеделна пропусница за патување.

„Ќе го видиме одговорот и одзивот на граѓаните“, рекол Куомо, додавајќи дека властите размислуваат за начини да привлечат што поголем број граѓани да примат вакцина против коронавирус.

Околу 60 проценти од 20 милиони жители на државата Њујорк примиле барем една доза на вакцина.