Севернокорејскиот лидер Ким Јонг Ун наредил да се погуби диригентот на хорот, кој наводно бил погоден со 90 куршуми пред јавноста, тврди јужнокорејски весник во неодамнешниот извештај. Исто така, се наведува дека членовите на хорот биле принудени да маршираат покрај мртвото тело, објави „Њузвик“.
Зачудувачки тврдења изнесе новинарот Џу Сеонг Ха, кој пишува за дневниот весник „Донг-А Илбо“. Написот беше објавен на 29 април, но се прошири откако беше споделен на Интернет. Во моментов нема независна потврда за неговите наводи.
Џу напиша дека сè започнало на 16 февруари, на роденденот на таткото на Ким, Ким Јонг Ил. Северна Кореја го слави тој датум како Ден на големата Sвезда, а Ким и неговата сопруга се појавија во театарот Мансуда во Пјонгјанг на прославата.
Џу напишал дека една од точките изведени таа вечер е „Магијата на сенките“, со актери кои прават трикови зад екранот како да се навистина сенки. Ким тогаш ја пофали продукцијата, но диригентот коментираше на некој во близина дека смета дека претставата не е толку добра. Подоцна истата вечер, пишува Џу, диригентот бил уапсен.
Издадена е наредба два дена подоцна да се соберат сите уметници во Пјонгјанг, наведува Џу, додавајќи дека на 20 февруари 20 лица се собрале на местото на егзекуцијата, каде што го виделе врзан диригентот.
„Диригентот на хорот почина од ужасна смрт пред своите луѓе. Егзекуцијата ја извршиле три лица со автоматски пушки АК-47, а секое од нив испукало по 30 куршуми од растојание од десет метри. Беше речено дека телото, кое го погодија 90 куршуми, било толку полно што не можеле да го подигнат“, навел Џу.
Новинарот изјавил дека тоа е диригентот од церемонијата и дека неговото име, како што можеше да се слушне, беше Хјун Ву Чо. Џу исто така навел дека се обидел да го потврди името преку Интернет, но единствениот диригент со слично име бил Хјун Хо Рју, кој работи со Националниот хор за придонес.
Кога го напишал написот, Џу не бил сигурен дали егзекутираниот човек е Хјун Хо Рју, Хјун Ву Чо или некој трет, но дека тој „секако е сигурен дека диригентот бил јавно погубен“.
„Њузвик“ наведува дека деталите за написот на Џу на „Јутјуб“ ги споделила Jeонми Парк, која побегнала од Северна Кореја. Таа е позната активистка, но некои од нејзините наводи од детството во изолираната земја беа критикувани за недоследност.