Мрежата „Ал Џезира“ остро го осуди бомбардирањето и уништувањето на нејзините канцеларии од израелската армија во Газа и смета дека ова е јасен чин што ги спречува новинарите да ја извршуваат својата света должност да го информираат светот и да известуваат за настаните на теренот. „Ал Џезира“ ветува дека ќе го следи секој достапен пат за израелската влада да одговара за своите постапки.
Жителите и станарите во зградата Ал Џалаа, во која се сместени канцелариите на „Ал Џезира“, заедно со големите меѓународни медиуми како „АП“ и „Мидл Ист Ај“, од страна на израелската војска телефонски биле информирани дека имаат помалку од еден час да ја напуштат зградата.
„Ал Џезира“ ги повикува сите медиуми и институциите за човекови права да ги здружат силите во осудата на овие немилосрдни бомбашки напади и да ја повикаат на одговорност израелската влада за намерно насочување кон новинари и медиумски институции.
Осудете го варварскиот чин
Коментирајќи го бомбардирањето на зградата Ал Џалаа, др. Мостефа Суаг, в.д. Генералниот директор на медиумската мрежа на „Ал Џезира“ рече: „Ја повикуваме меѓународната заедница да ги осуди ваквите варварски активности и насочување на новинарите и бараме итни меѓународни активности за да се побара одговорност од Израел за намерно насочување кон новинари и медиумски институции“.
Д-р Суаг понатаму рече дека „целта на ова грозоморно злосторство е да се замолчат медиумите и да се сокријат неискажливите масакри и страдања на луѓето во Газа“.
„Уништувањето на канцеларијата на „Ал Џезира“ и другите медиумски организации во облакодерот Ал Џалаа во Газа е јасно кршење на човековите права и меѓународно се смета за воено злосторство. Ги повикуваме сите медиуми и институциите за човекови права да го осудат ова грозоморно злосторство и да застанат покрај „Ал Џезира“ и другите медиумски организации насочени кон израелската војска, и покрај фактот дека тие со години знаат дека зградата се користи како нивно седиште“.
Со напад врз зградата во која се наоѓаат меѓународни медиуми, целта е да се замолчи вистината со „убивање на гласникот“. Новинарството не е злосторство, велат од „Ал Џезира“.