Велосипедистка удрила во отворена врата на такси возило

Велосипедистка се здобила со тешки повреди откако со велосипедот удрила во отворена врата на такси возило, информира МВР.

„На 19.05.2021 во 12:00 часот во СВР Скопје било пријавено дека на крстосница од бул.„Св.Климент Охридски“ со ул.„Пиринска“ во Скопје, велосипедистка Е.П.(50) од Скопје удрила во отворена врата од запрено такси возило, кое по незгодата го напуштило местото. Е.П. била пренесена во Градската општа болница „Св.Наум Охридски“, каде ѝ биле констатирани тешки телесни повреди. Увид на местото на незгодата извршила екипа од СВР Скопје“, соопшти полицијата.