Возачот на Ред Бул, Макс Верстапен е победник на петтата трка од сезоната во Формула 1, Големата награда на Монако.
Холанѓанецот беше најдобар во 67-то издание на познатата трка на улиците на Монте Карло.
Ова беше негова прва победа во Монако, негова втора во сезоната и 12-та во кариерата, а сега е на првото место во генералниот поредок со 105 бода.
Светскиот шампион Луис Хамилтон имаше разочарувачки викенд, тој ја заврши трката на седмото место, но доби дополнителен бод за најбрз круг.
Втор беше Карлос Саинц, а трет беше Канаѓанецот Ландо Норис, додека Серхио Перез заврши на четвртото место.
Бодови освоија и Себастијан Фетел, Пјер Гасли, Ленс Строл, Естебан Окон и Антонио Џовинаци.
Следната трка во сезоната ќе се вози за време на викендот од 4-6 јуни на патеката во Баку, Азербејџан.