Од 15-те туристи во кабината на жичарницата, 13 лица загинале кога се срушила. Меѓу загинатите е едно од двете деца, чија националност не е позната, бидејќи досега никој не се јавил за да потврди чии деца се во болницата. Жичницата тргнува од брегот на езерото Маџоре во градот Стреза до врвот на планината Мотароне во Пиемонт.
Најдраматична вест е дека можеби цели семејства биле убиени денес во трагедијата во Пиемонт. Досега се идентификувани 11 лица од вкупно 13 пронајдени во кабината или надвор, сите се или италијански државјани или странци кои живеат во Италија. Освен Италијанците, една жртва била по потекло од Иран, но живеела во Италија, тројца се родени во Израел, резиденти во Италија.
Не се знае ништо за починатото дете од околу 8 или 9 години, ниту неговата националност ниту дали неговите родители биле во кабината. За другото дете, кое минува низ низа операции, се знае дека е Италијанец бидејќи во моментот кога бил во свесна состојба зборувал италијански, се сомнева дека бил во кабината со неговите родители, а досега никој се јавил во болницата да праша за него.
Истрагата продолжува, ноќта пристигна и поради непроодноста на теренот каде се сруши кабината, сè е крајно тешко.