Титулата се врати во „црно-белиот“ дел на Истанбул, а со тоа и Лигата на шампионите! Финансиските проблеми на Бешикташ не се мали, но на „Водафон паркот“ не се откажуваат од идејата да направат квалитетен тим достоен за место меѓу најдобрите за да се вратат во европската фудбалска елита.
Медиумите од Босфорот утрово лансираа две бомбастични вести – Серген Јалдзин се надева на потписите на Марио Манџукиќ и Алекс Тешеира!
Речиси веднаш по завршувањето на сезоната, Милан раскина со Манџукиќ по само шест месеци, што веднаш ги алармираше луѓето од Бешикташ. Мањо беше мета на новиот шампион на Турција пред шест месеци, само хрватскиот напаѓач не беше расположен да го облече „црно-белиот“ дрес, но наводно сега околностите се променија, иако тој повторно има понуди од Арапскиот полуостров.
Секако, играњето во Лигата на шампионите е еден од клучните фактори за Манџукиќ, а бидејќи Џенк Тосун се враќа во Евертон од позајмица, потребата на Јалџин за нов голгетер е голема сега.
Турските медиуми дури имаат информации дека Манџукиќ потврдил во неформални разговори дека е заинтересиран, но останува да се види дали првиот човек на клубот, Ахмет Нур Џеби, ќе успее да обезбеди пари за неговите услуги.
Тој и неговите најблиски соработници паралелно работат на доведување на уште едно врвно засилување – Алекс Тешеира. Поранешната „десетка“ на Шахтјор нема клуб веќе шест месеци откако му истече договорот во Џенгсу, кој повеќе не постои и тој е подготвен да прифати помалку пари отколку што доби во Кина за да се врати во Европа.
Тешеира помина пет години во Кина по заминувањето од Шахтјор, за што Џенгсу му плати тогаш монструозни 50.000.000 евра, а бидејќи финансиската криза го изгасна клубот, тој исто така реши да почека до летото со нов ангажман
Бешикташ може да биде опасна нагазна мина за богатите во Европа …