305
Израел денес доби нов претседател – станува збор за искусниот политичар Исак Херцог (60), кој е избран во Кнесет, израелскиот парламент кој брои 120 пратеници, објави АП.
За Херцог гласаа 87 пратеници. Претседателската позиција во Израел е претежно од церемонијален карактер.
Херцог е поранешен шеф на Израелската работничка партија и опозициски лидер кој не успеа во трката за премиерската позиција против Бенјамин Нетанјаху во 2013 година.
Тој ќе го преземе претседателското место наместо Рувен Ривлин, чиј мандат истекува следниот месец.