Денвер Нагетс реши да го награди Никола Јокиќ по пласманот во полуфиналето на Западната конференција на НБА-лигата.
Нагетси ги совладаа Портланд Трејлблејзерс со 4:2 и закажаа борба со Феникс, кој го исфрли Лос Анџелес Лејкерс, актуелниот шампион.
Ова беше прва плејоф серија во која Јокиќ славеше без Денвер да мора да одигра седум натпревари.
За пласман во следната рунда, Денвер реши богато да го почести српскиот центар, па на неговата сметка ќе лежат половина милион долари.
Боби Маркс, новинар од ЕСПН, ја наведе точната сума на бонусот, а во овој момент, Јокиќ е првиот фаворит за освојување на МВП наградата.
Популарниот „Џокер“ постигна 33 поени, 10,5 скока и 4,5 асистенции по натпревар против Портланд, а награда добија и Факундо Кампацо и Пол Милсап, кои заработија по 100 000 американски банкноти.
Според договорот потпишан во 2018 година, Јокиќ заработува просечно 29.542.010 долари по сезона (оваа година 28.543.009, а следната ќе заработи 30.510.423 долари), а тој веќе собра уште околу 1.000.000 од бонусот оваа сезона.
Incentives earned for advancing to round 2:
Denver
Nikola Jokic- $500K
Paul Millsap- $100K
Facundo Campazzo-$100KThe bonuses have no cap implications since they were considered likely before the season started.
— Bobby Marks (@BobbyMarks42) June 4, 2021