За време на судењето на Хоакин Гузман, познат под прекарот Ел Чапо, беа обелоденети шокантни детали за животот на мексиканскиот нарко бос.
Одлуката е донесена едногласно од поротата за одлуката дека Ел Чапо е виновен по сите десет точки на обвинението, вклучително и трговија со хероин и кокаин, перење пари и нелегално поседување оружје.
Ви пренесуваме некои од застрашувачките и бизарни сведоштва, откриени за време на судењето за неговиот живот на чело на картелот Синалоа.
1. Високо-технолошка соба за убиства
Еден од платените убијци на Ел Чапо имал „просторија за убиства“ во неговата вила на границата меѓу САД и Мексико.
Едгар Галван, кој сведочеше во јануари, рече дека во куќата на Антонио Маруф има звучно изолирана просторија, наречена Јагуар, „за да не излезе звук“.
За полесно да се измијат трагите од грозоморните убиства, собата била поплочена со бели плочки со одвод на подот.
„Не можете да излезете од таа куќа“, рече Галван.
Галван рече дека неговата улога во картелот е шверцување на оружјето што Маруфо го користел за да ги „исчисти“ противниците во САД.
Галван тогаш живеел во мексиканскиот град Ел Пасо, а Маруфо веднаш преку границата во САД.
Двајцата сега се во затвор, обвинети за поседување оружје.
2. Силувањето на девојчиња му „го продолжувало животот“ на Ел Чапо
Само два дена пред поротата да се повлече да одлучува за пресудата, документите со сведочењата на колумбискиот нарко-бос Алекс Сифуентес беа запечатени.
Сифуентес, кој тврди дека е „десна рака“ на Ел Чапо, рече дека мексиканскиот наркобос редовно дрогирал и силувал девојки што ги избрал од „каталогот“, објави „Њујорк тајмс“. Некои од нив имале само 13 години.
Обвинителите велат дека Сифуентес поминал две години со Ел Чапо во мексиканските планини, криејќи се од властите.
„Тунелот за дрога“ од САД до Мексико
За време на нејзиниот престој во планините, жена по име Комадре Марија редовно ,у испраќала на Ел Чапо фотографии од девојчињата, а тие и неговите соработници бирале кога Марија ќе ги испрати. Цената била 5000 долари.
Ел Чапо потоа ќе ги дрогирал со „материја во прав“ и ќе ги силувал. Најмладите, Ел Чапо ги нарекувал „негови витамини“, велејќи дека силувањето девојки му го продолжува „животот“.
Неговиот адвокат ги негираше обвинувањата, велејќи дека тие се премногу „неверодостојни“ за судот да ги прифати.
3. 100 милиони долари за претседател
Бомбастичното обвинување беше изнесено за време на сведочењето на Сифуенте пред судот.
Сифуентес рече дека поранешниот мексикански претседател Енрике Пења Нието, кој беше на чело на Мексико од 2012 до 2018 година, добил мито од 100 милиони долари од Ел Чапо.
Тој тврди дека Пења Нието го контактирал Ел Чапо веднаш по доаѓањето на власт, барајќи 250 милиони долари за да го запре „ловот“ за шефот на картелот. Ел Чапо наводно му понудил 100 милиони долари, што претседателот ги прифатил.
4. Шпионирање на љубовници
Ел Чапо ја шпионирал својата сопруга Ема Коронел, како и жените со кои имал афери, со помош на софтверот Фекси-Спај.
Токму овој софтвер подоцна му овозможи на ФБИ да ги претстави пораките што ги испраќал на поротата.
Тој во многу пораки разговаралсо неговата сопруга за децата. Сепак, некои од овие пораки го откриваат и вистинскиот Ел Чап.
Во пораката испратена на денот кога неговите близнаци наполниле шест месеци, како што објави Њујорк Дејли Њуз, Ел Чапо напишал: „Нашата (ќерка) е бестрашна, ќе и дадам АК-47 (Калашников) за да може да се дружи со мене.”
Пораките на Ел Чапо до Ејми Коронел откриваат и како избегал нарко-босот за време на рацијата од страна на полициските сили на Мексико и САД.
„Морав да побегнам во три попладне. Ги видов како претресуваат на соседната врата, но успеав да скокнам “, и напишал Гузман на својата сопруга, барајќи од неа да му донесе нова облека, обувки и црни мустаќи.
Кристијан Родригез, негов соработник, изјави дека Ел Чапо следел околу 50 луѓе преку мобилни телефони и компјутери.
Според Родригез, Ел Чапо честопати ги оставал своите микрофони вклучени откако разговарале со неговите љубовници, со цел да слушне што зборуваат за него, пишува Дејли њуз.
Со една од неговите љубовници, Агустина Кабанилас Акоста, Ел Чапо исто така зборувал за многу дрога. Наводно, Акоста му помагала во деловната активност, а тој и платил за липосукција.
Акоста, сепак, била свесна дека нејзиниот љубовник ја прислушувал.
„Јас сум многу попаметна од него“, наводно им рекла на своите пријатели.
5. Ги закопувал живи своите непријатели
За време на најстрашното сведочење, поранешниот телохранител на Ел Чапо, Исаиз Валдез Риос, опиша како го видел неговиот шеф брутално да тепа најмалку тројца мажи пред да ги застрела.
Тој опиша како еднаш убијците на Гузман опколиле двајца мажи обележани како предавници, откако тие се преселиле од картелот Синалоа во ривалскиот картел Лос Зетас.
Откако Ел Чапо брутално ги тепал три часа, „тие беа како крпени кукли – коските им биле целосно скршени“.
„Тие не можеа да се движат. И Хоакин продолжи да ги удира со стап и пиштол “, рече Валдез Риос.
„Предавниците“ потоа биле однесени на оган каде Ел Чапо ги проколнувал, пукал во главата и им наредувал на своите луѓе да ги фрлат во оган.
Третиот човек што сам го застрелал, Гузман исто така го мачел. Кога го видел Валдез Риос, на мажот со пегла му била залепена кошулата на неговата кожа. Имал изгореници на рацете, а нозете му биле изгорени.
Телохранителот на Ел Чап на судењето рече дека човекот бил заклучен во дрвена барака со денови, а потоа со врзани очи, нозете и рацете одведен е на гробиштата каде Гузман го застрелал.
Жртвата сè уште се борела за воздух кога ја фрлиле во јама и ја закопале жива, рече Валдез Риос.