Селекторот на Холандија, Франк де Бур беше задоволен од синоќешниот триумф против Украина со резултат 3:2 во финишот на мечот, во првото коло од групата Ц на Евро 2020.
„Знаевме дека Украина е многу добра репрезентација, тие се особено опасни во контранападите. Беше потребно да се задржи топката што е можно повеќе во наш посед за да не му се дозволи на противникот да дојдедо неа“, изјави Де Бур.
Селекторот Андриј Шевченко рече дека е задоволен од своите играчии покрај поразот.
„Покажавме дека можеме да се вратиме по 0: 2, не се предадовме. Благодарам на играчите за тоа. Натпреварот беше одличен, и кога сè ќе се додаде, не можам да бидам незадоволен од играта на мојот тим“, изјави легендарниот украински напаѓач.
Украина игра со Северна Македонија во 2.коло, додека популарните „лалиња“ чекаат пресметка против Австрија.