Путин слета во Женева, наскоро ќе се сретне со Бајден

Рускиот претседател Владимир Путин слета во Женева, каде наскоро ќе се сретне со американскиот претседател Џозеф Бајден.

Како што објасни претходно советникот на рускиот претседател, Јуриј Ушаков, Путин ќе биде пречекан од претседателот на Швајцарија во вилата Ла Гранџ, а потоа американскиот претседател ќе дојде во вилата.

Преговорите ќе се состојат од три дела.

Самитот се очекува да трае околу пет часа. По самитот, Путин ќе им се обрати на руските новинари.

Американскиот претседател пристигна вчера во Женева.