Руската полиција уапси маж откако беше пронајдено тело на исчезната американска студентка во близина на градот Нижни Новгород, источно од Москва. Кетрин Серу (34) исчезна откако влегла во неидентификуван автомобил во Нижни Новгород, пишува Би-Би-Си.
Полицијата соопшти дека уапсениот има долга евиденција со особено сериозни кривични дела. Пред да исчезне, таа испратила СМС на нејзината мајка во која напишала: „Јас сум во автомобил со странец. Се надевам дека не ме киднапираа“.
Серу е поранешен член на американскиот марински корпус кој ја заврши турнејата во Авганистан и се пресели во Русија во 2019 година за да продолжи со магистратура по право на Државниот универзитет Лобачевски во Нижни Новгород. Живеела малку надвор од градот, а последната порака на нејзината мајка ја испратила во вторникот нешто по 18:30 часот по локално време.
Руските спасувачки екипи го бараа нејзиното тело во пошумено подрачје надвор од градот, каде што последен пат беше снимен нејзиниот телефонски сигнал. Американската амбасада во Москва ја потврди нејзината смрт и соопшти дека ја следи истрагата.
Серу планирала да се врати во САД и да работи како адвокат за миграција, изјави нејзината мајка за НПР. Таа го продала својот стан во Калифорнија за да ги финансира своите студии во Русија.