Три чамци се превртеа во Словенија, повредените итно пренесени во болница

Единаесет лица паднаа во вода кога три чамци се превртеа во сливот на реките Дравиња и Драва кај словенечкото село Дравци кај Птуј во неделата вечерта.

На повредените пожарникарите им укажале прва помош, а две лица биле пренесени во болница во Птуј, пренесува словенечката агенција СТА.

Чамците се превртеа поради високиот водостој, зголемениот проток на реката и брзаците што беа предизвикани од тоа, се наведува во извештајот на Словенечкиот национален информативен центар.

Вкупно 73 пожарникари од доброволни противпожарни единици од Птуј и другите блиски села учествуваа во напорите за потрага и спасување долж секцијата на реката долга седум километри.

Активирана е и службата за спасување под вода.