Израел денес издаде препорака сите деца на возраст од 12 до 15 години да се вакцинираат против ковид-19, поради нови жаришта кои беа предизвикани од делта варијантата.
Во ситуација кога околу три четвртини од Израелците примиле вакцина, бројот на новоинфицирани нагло паднал.
Оттогаш, земјата се откажа од скоро сите ограничувања на социјалното дистанцирање, иако нејзините граници сè уште се во голема мерка затворени за туристите.
Сепак, минатата недела беа регистрирани нови кластери на ковид-19 во две училишта, а дневната стапка на позитивност повторно се движи до 100, покажаа податоците на израелското Министерство за здравство.
Како одговор, Министерството издаде официјална препорака за вакцинирање на деца на возраст од 12 до 15 години, истакнувајќи дека бројот на патувања во странство се очекува да се зголеми во текот на летото.