184
Новиот израелски премиер Нафтали Бенет ги повикува младите да се вакцинираат затоа што во последните денови се зголемува бројот на случаи со новата делта мутација.
– Не сакаме да воведуваме никакви ограничувања: ниту на забави, ниту на патувања или на слично. Но, конкретно поради тоа, ако не сакате ограничувања, вакцинирајте се денес. Разговарајте со вашите родители и земете ја вакцината – рече тој.
Израел повторно воведе задолжително носење маски во затворен простор поради зголемениот број нови инфекции во изминатите седум дена. Израелското Министерство за здравство во саботата забележа 113 нови случаи на коронавирус.