Германската „КуреВак“ рече дека нејзината вакцина против „ковид-19“ е 48 проценти ефективна во финалната анализа на клиничкото испитување, што е само малку подобра од 47 проценти пријавени во прелиминарните резултати пред две недели.
Биотехнолошката компанија изјави дека ефикасноста, кога станува збор за спречување на симптоматска болест, е нешто подобра и изнесува 53 проценти кога се исклучени учесниците во студијата постари од 60 години, што е возрасна група која е далеку најпогодена од пандемија, пренесува Ројтерс.
Студијата КуреВак, која опфати околу 40.000 волонтери во Европа и Латинска Америка, покажа дека ефективноста е 77 проценти кај возрасната група помлада од 60 години, кога се земаат предвид само умерени до тешки симптоми и се исклучуваат лесни форми на болеста.
Компанијата исто така соопшти дека ги испратила своите податоци до Европската агенција за лекови (ЕМА) како дел од тековните процедури за одобрување над 90 проценти во сите групи, но тие се случиле кога доминирала оригиналната верзија на вирусот корона.
Податоците за нивните вакцини досега сугерираат дека тие обезбедуваат само малку послаба заштита од новите варијанти на коронавирусот.
ЕМА претходно соопшти дека нема да наметне 50% праг на ефикасност за вакцините ковид-19 и дека и се потребни целосни податоци за тестовите за да се проценат придобивките и ризиците од нивната употреба.