МакедонијаПолитика

ВМРО-ДПМНЕ: Филипче да ги усвои мерките против делта сојот на ковид-19

од Берта Китинска
176 прегледи

Филипче да не седи со вкрстени раце и да ги усвои мерките против делта сојот на ковид-19, порача опозициската ВМРО-ДПМНЕ преку соопштение.

„Делта сојот на ковид-19 вирусот е веќе присутен во Македонија, сите држави воведуваат поригорозни контроли, само владата на СДСМ кај нас се однесува ноншалантно. Наместо да го преспијат летото и да се разбудат во хаотична и пеколна есен со многу заболени и голем број на смртни случаи, време е за мерки кои ќе го контролираат влезот во државата и ќе го ограничат просторот за ширење“, соопшти ВМРО-ДПМНЕ.

Комисијата за здравство на ВМРО-ДПМНЕ ги предлага следните мерки:

  1. Професионализација на Комисијата за заразни болести;
  2. Забрзување на вакцинацијата против Ковид-19;
  3. Зголемување на контролата на границите;
  4. Достапност на тестирање за Ковид-19;
  5. Јасен и прецизен „Бел план” за здравствениот систем при нов бран на Ковид-19;
  6. Зголемување на достапноста за рендген и лабораториските анализи за пациенти со Ковид-19;
  7. Актуелизирање и обновување на протоколите за третман на Ковид-19;
  8. Мапирање на здравствениот персонал;
  9. План за пациентите со останати дијагнози;
  10. Мапирање на здравствените капацитети;
  11. Одредување на болници посветени за Ковид-19;
  12. Мапирање на постоечката функционална апаратура;
  13. Достапност на соодветен третман за пациенти со Ковид19;
  14. Достапност на лична заштитна опрема ;
  15. Пост-Ковид центри за пациенти коишто прележале Ковид-19;